श्री हनुमान चालीसा
॥ दोहा॥
श्रीगुरु चरन सरोज रज निज मनु मुकुरु सुधारि ।
बरनउँ रघुबर बिमल जसु जो दायकु फल चारि ॥
बुद्धिहीन तनु जानिके, सुमिरौं पवन-कुमार ।
बल बुधि बिद्या देहु मोहिं, हरहु कलेस बिकार ॥
॥ चौपाई ॥
जय हनुमान ज्ञान गुन सागर ।
जय कपीस तिहुँ लोक उजागर ॥
राम दूत अतुलित बल धामा ।
अंजनि पुत्र पवनसुत नामा ॥
महाबीर बिक्रम बजरंगी ।
कुमति निवार सुमति के संगी ॥
कंचन बरन बिराज सुबेसा ।
कानन कुण्डल कुँचित केसा ॥
हाथ बज्र औ ध्वजा बिराजै ।
काँधे मूँज जनेउ साजै ॥
संकर सुवन केसरीनंदन ।
तेज प्रताप महा जग बंदन ॥
बिद्यावान गुनी अति चातुर ।
राम काज करिबे को आतुर ॥
प्रभु चरित्र सुनिबे को रसिया ।
राम लषन सीता मन बसिया ॥
सूक्ष्म रूप धरि सियहिं दिखावा ।
बिकट रूप धरि लंक जरावा ॥
भीम रूप धरि असुर सँहारे ।
रामचन्द्र के काज सँवारे ॥
लाय सजीवन लखन जियाये ।
श्री रघुबीर हरषि उर लाये ॥
रघुपति कीन्ही बहुत बड़ाई ।
तुम मम प्रिय भरतहि सम भाई ॥
सहस बदन तुम्हरो जस गावैं ।
अस कहि श्रीपति कण्ठ लगावैं ॥
सनकादिक ब्रह्मादि मुनीसा ।
नारद सारद सहित अहीसा ॥
जम कुबेर दिगपाल जहाँ ते ।
कबि कोबिद कहि सके कहाँ ते ॥
तुम उपकार सुग्रीवहिं कीन्हा ।
राम मिलाय राज पद दीन्हा ॥
तुम्हरो मंत्र बिभीषण माना ।
लंकेस्वर भए सब जग जाना ॥
जुग सहस्त्र जोजन पर भानु ।
लील्यो ताहि मधुर फल जानू ॥
प्रभु मुद्रिका मेलि मुख माहीं ।
जलधि लाँघि गये अचरज नाहीं ॥
दुर्गम काज जगत के जेते ।
सुगम अनुग्रह तुम्हरे तेते ॥
राम दुआरे तुम रखवारे ।
होत न आज्ञा बिनु पैसारे ॥
सब सुख लहै तुम्हारी सरना ।
तुम रक्षक काहू को डरना ॥
आपन तेज सम्हारो आपै ।
तीनों लोक हाँक तें काँपै ॥
भूत पिशाच निकट नहिं आवै ।
महाबीर जब नाम सुनावै ॥
नासै रोग हरै सब पीरा ।
जपत निरंतर हनुमत बीरा ॥
संकट तें हनुमान छुड़ावै ।
मन क्रम बचन ध्यान जो लावै ॥
सब पर राम तपस्वी राजा ।
तिनके काज सकल तुम साजा ॥
और मनोरथ जो कोइ लावै ।
सोई अमित जीवन फल पावै ॥
चारों जुग परताप तुम्हारा ।
है परसिद्ध जगत उजियारा ॥
साधु संत के तुम रखवारे ।
असुर निकंदन राम दुलारे ॥
अष्ट सिद्धि नौ निधि के दाता ।
अस बर दीन जानकी माता ॥
राम रसायन तुम्हरे पासा ।
सदा रहो रघुपति के दासा ॥
तुम्हरे भजन राम को पावै ।
जनम जनम के दुख बिसरावै ॥
अंत काल रघुबर पुर जाई ।
जहाँ जन्म हरि-भक्त कहाई ॥
और देवता चित्त न धरई ।
हनुमत सेइ सर्ब सुख करई ॥
संकट कटै मिटै सब पीरा ।
जो सुमिरै हनुमत बलबीरा ॥
जै जै जै हनुमान गोसाईं ।
कृपा करहु गुरु देव की नाईं ॥
जो सत बार पाठ कर कोई ।
छूटहि बंदि महा सुख होई ॥
जो यह पढ़ै हनुमान चालीसा ।
होय सिद्धि साखी गौरीसा ॥
तुलसीदास सदा हरि चेरा ।
कीजै नाथ हृदय महँ डेरा ॥
॥ दोहा ॥
पवनतनय संकट हरन, मंगल मूरति रूप ।
राम लषन सीता सहित, हृदय बसहु सुर भूप ॥
॥ इति ॥
Hanuman Chalisa in English
॥ Doha ॥
Shri Guru Charan Saroj Raj, Nij Manu Mukuru Sudhaari.
Baranau Raghubar Bimal Jasu, Jo Daayaku Phal Chaari.
Buddhiheen Tanu Jaanike, Sumirau Pavan-Kumar.
Bal Budhi Vidya Dehu Mohin, Harahu Kalesh Vikaar.
॥ Chaupai ॥
Jay Hanuman Gyaan Gun Sagar.
Jay Kapeesh Tihu Lok Ujaagar.
Ram Doot Atulit Bal Dhaama.
Anjani Putra Pavansut Naama.
Mahabeer Bikram Bajrangi.
Kumati Nivaar Sumati Ke Sangi.
Kanchan Baran Biraaj Subesaa.
Kanan Kundal Kunchit Kesaa.
Haath Bajra Aur Dhvaja Biraaje.
Kaandhe Moonj Janeu Saaje.
Sankar Suvan Kesari Nandan.
Tej Pratap Maha Jag Bandan.
Vidyavaan Guni Ati Chatur.
Ram Kaaj Karibe Ko Aatur.
Prabhu Charitra Sunibe Ko Rasiya.
Ram Lakhan Sita Man Basiya.
Sookshma Roop Dhari Siyahi Dikhaava.
Vikat Roop Dhari Lanka Jarava.
Bheem Roop Dhari Asur Sanhaare.
Ramachandra Ke Kaaj Sanvaare.
Laye Sanjivan Lakhan Jiyaaye.
Shree Raghubeer Harashi Ur Laaye.
Raghupati Keenhi Bahut Badaai.
Tum Mam Priye Bharat Sam Bhaai.
Sahas Badan Tumharo Jas Gaave.
As Kahi Shripati Kanth Lagaave.
Sanakaadik Brahmaadi Munisaa.
Naarad Saarad Sahit Aheesaa.
Jam Kuber Digpaal Jahan Te.
Kavi Kovid Kahi Sake Kahan Te.
Tum Upkaar Sugreevahin Keenha.
Ram Milaay Raajpad Deenha.
Tumharo Mantra Vibheeshan Maana.
Lankeshwar Bhaye Sab Jag Jaana.
Jug Sahastra Jojan Par Bhaanu.
Leelyo Taahi Madhur Phal Jaanu.
Prabhu Mudrika Meli Mukh Maahi.
Jaladhi Langhi Gaye Achraj Naahi.
Durgam Kaaj Jagat Ke Jete.
Sugam Anugraha Tumhre Tete.
Ram Duaare Tum Rakhvaare.
Hot Na Aagya Binu Paisaare.
Sab Sukh Lahai Tumhaari Sarna.
Tum Rakshak Kaahu Ko Darna.
Aapan Tej Samhaaro Aapei.
Tino Lok Haank Te Kaapei.
Bhoot Pishaach Nikat Nahi Aavei.
Mahavir Jab Naam Sunavei.
Naasai Rog Hare Sab Peera.
Japat Nirantar Hanumat Veera.
Sankat Te Hanuman Chhudaavei.
Man Kram Vachan Dhyaan Jo Laavei.
Sab Par Ram Tapasvee Raaja.
Tinke Kaaj Sakal Tum Saaja.
Aur Manorath Jo Koi Laave.
Soi Amit Jeevan Phal Paave.
Charo Jug Partaap Tumhaara.
Hai Parsiddh Jagat Ujiyaara.
Saadhoo Sant Ke Tum Rakhwaare.
Asur Nikandan Ram Dulaare.
Asht Siddhi Nau Nidhi Ke Data.
As Bar Deen Jaanki Mata.
Ram Rasayan Tumhare Paasa.
Sadaa Raho Raghupati Ke Daasa.
Tumhare Bhajan Ram Ko Paavei.
Janam-Janam Ke Dukh Bisraavei.
Ant Kaal Raghubar Pur Jaai.
Jahan Janma Hari-Bhakta Kahaaei.
Aur Devta Chitt Na Dharai.
Hanumat Sei Sarb Sukh Karai.
Sankat Kate Mite Sab Peera.
Jo Sumirai Hanumat Balbeera.
Jai Jai Jai Hanuman Gosaai.
Kripa Karahu Guru Dev Ki Naai.
Jo Shat Baar Paath Kar Koi.
Chhootahi Bandi Maha Sukh Hoi.
Jo Yah Padhe Hanuman Chalisa.
Hoy Siddhi Saakhi Gaurisa.
Tulsidas Sada Hari Chera.
Keejai Naath Hriday Mahn Dera.
॥ Doha ॥
Pavanatanay Sankat Haran, Mangal Murti Roop.
Ram Lashan Sita Sahit, Hriday Basahu Sur Bhoop.
॥ Iti ॥
