संकटमोचन हनुमान अष्टक (Sankatmochan Hanuman Ashtak)
॥ संकटमोचन हनुमान अष्टक ॥
बाल समय रवि भक्षी लियो तब, तीनहुं लोक भयो अंधियारों ।
ताहि सों त्रास भयो जग को, यह संकट काहु सों जात न टारो ।
देवन आनि करी बिनती तब, छाड़ी दियो रवि कष्ट निवारो ।
को नहीं जानत है जग में कपि, संकटमोचन नाम तिहारो ॥ १ ॥
बालि की त्रास कपीस बसैं गिरि, जात महाप्रभु पंथ निहारो ।
चौंकि महामुनि साप दियो तब, चाहिए कौन बिचार बिचारो ।
कैद्विज रूप लिवाय महाप्रभु, सो तुम दास के सोक निवारो ।
को नहीं जानत है जग में कपि, संकटमोचन नाम तिहारो ॥ २ ॥
अंगद के संग लेन गए सिय, खोज कपीस यह बैन उचारो ।
जीवत ना बचिहौ हम सो जु, बिना सुधि लाये इहाँ पगु धारो ।
हेरी थके तट सिन्धु सबै तब, लाए सिया-सुधि प्राण उबारो ।
को नहीं जानत है जग में कपि, संकटमोचन नाम तिहारो ॥ ३ ॥
रावण त्रास दई सिय को सब, राक्षसी सों कही सोक निवारो ।
ताहि समय हनुमान महाप्रभु, जाए महा रजनीचर मारो ।
चाहत सीय असोक सों आगि सु, दै प्रभुमुद्रिका सोक निवारो ।
को नहीं जानत है जग में कपि, संकटमोचन नाम तिहारो ॥ ४ ॥
बान लग्यो उर लछिमन के तब, प्राण तजे सुत रावन मारो ।
लै गृह बैद्य सुषेन समेत, तबै गिरि द्रोण सु बीर उपारो ।
आनि सजीवन हाथ दई तब, लछिमन के तुम प्रान उबारो ।
को नहीं जानत है जग में कपि, संकटमोचन नाम तिहारो ॥ ५ ॥
रावन युद्ध अजान कियो तब, नाग कि फाँस सबै सिर डारो ।
श्रीरघुनाथ समेत सबै दल, मोह भयो यह संकट भारो ।
आनि खगेस तबै हनुमान जु, बंधन काटि सुत्रास निवारो ।
को नहीं जानत है जग में कपि, संकटमोचन नाम तिहारो ॥ ६ ॥
बंधु समेत जबै अहिरावन, लै रघुनाथ पताल सिधारो ।
देबिहिं पूजि भलि विधि सों बलि, देउ सबै मिलि मन्त्र विचारो ।
जाय सहाय भयो तब ही, अहिरावन सैन्य समेत संहारो ।
को नहीं जानत है जग में कपि, संकटमोचन नाम तिहारो ॥ ७ ॥
काज किये बड़ देवन के तुम, बीर महाप्रभु देखि बिचारो ।
कौन सो संकट मोर गरीब को, जो तुमसो नहिं जात है टारो ।
बेगि हरो हनुमान महाप्रभु, जो कछु संकट होय हमारो ।
को नहीं जानत है जग में कपि, संकटमोचन नाम तिहारो ॥ ८ ॥
॥ दोहा ॥
लाल देह लाली लसे, अरु धरि लाल लंगूर ।
वज्र देह दानव दलन, जय जय जय कपि सूर ॥
॥ इति ॥
Sankatmochan Hanuman Ashtat (English Transliteration)
॥ Sankatmochan Hanuman Ashtak ॥
Baal samay ravi bhakshi liyo tab, teenhun lok bhayo andhiyaaron।
Taahi son traas bhayo jag ko, yeh sankat kahu son jaat na taaro।
Devan aani kari binati tab, chaadi diyo ravi kasht nivaaro।
Ko nahin jaanat hai jag mein kapi, Sankatmochan naam tiharo॥ १ ॥
Bali ki traas kapisa basain giri, jaat mahaa-prabhu panth niharo।
Chaunki mahaamuni saap diyo tab, chaahie kaun bichaar bichaaro।
Kaidvij roop liyaay mahaa-prabhu, so tum daas ke sok nivaaro।
Ko nahin jaanat hai jag mein kapi, Sankatmochan naam tiharo॥ २ ॥
Angad ke sang len gaye siy, khoj kapisa yeh bain ucharo।
Jeevat na bachihau ham so ju, bina sudhi laaye ihaan pagu dhaaro।
Heri thake tat sindhu sabai tab, laaye siyaa-sudhi praan ubaaro।
Ko nahin jaanat hai jag mein kapi, Sankatmochan naam tiharo॥ ३ ॥
Raavan traas dai siy ko sab, raakshasi son kahi sok nivaaro।
Taahi samay Hanumaan mahaa-prabhu, jaaye maha rajneechar maaro।
Chaahat siy Asok son aagi su, dai prabhumudrikaa sok nivaaro।
Ko nahin jaanat hai jag mein kapi, Sankatmochan naam tiharo॥ ४ ॥
Baan lageyo ur Lachhiman ke tab, praan taje sut Raavan maaro।
Lai grih baidya Susen samet, tabai giri dron su beer upaaro।
Aani sajeevan haath dai tab, Lachhiman ke tum praan ubaaro।
Ko nahin jaanat hai jag mein kapi, Sankatmochan naam tiharo॥ ५ ॥
Raavan yuddh ajaan kiyo tab, naag ki faans sabai sir daaro।
Shri Raghunath samet sabai dal, moh bhayo yeh sankat bhaaro।
Aani khages tabai Hanumaan ju, bandhan kaati sutraas nivaaro।
Ko nahin jaanat hai jag mein kapi, Sankatmochan naam tiharo॥ ६ ॥
Bandhu samet jabai Ahiraavan, lai Raghunath pataal sidhaaro।
Debihin pooji bhali vidhi son bali, deu sabai mili mantra vichaaro।
Jaay sahaay bhayo tab hi, Ahiraavan sena samet sanhaaro।
Ko nahin jaanat hai jag mein kapi, Sankatmochan naam tiharo॥ ७ ॥
Kaaj kiye bar Devan ke tum, beer maha-prabhu dekhi bichaaro।
Kaun so sankat mor garib ko, jo tumso nahin jaat hai taaro।
Begi haro Hanumaan mahaa-prabhu, jo kachu sankat hoy hamaro।
Ko nahin jaanat hai jag mein kapi, Sankatmochan naam tiharo॥ ८ ॥
॥ Doha ॥
Laal deh laali lase, aru dhari laal langur।
Vajra deh daanav dalan, jay jay jay kapi soor॥
॥ Iti ॥
